正所謂「新屎坑 三日香」，在日本起家的 MOS BURGER 「摩斯漢堡」在 10 月 20 日正式登陸觀塘 apm 大食堂。雖然小弟與同事「不仔！」在五點幾這個非繁忙時間光顧，但排隊的人數依然很多，排了 20 分鐘，終於到我們叫食物了，小弟選擇了套餐 B ，包括醬味吉列豬扒漢堡、摩斯脆雞與凍咖啡，首天開舖贈送 $12 的蜜桃蒟蒻。試完之後，發覺摩斯脆雞的確一流，它是一隻去骨的雞腿，「不仔！」認為，脆雞面上應該不是一般麵包糠，可能是薯粉。另外，醬味吉列豬扒漢堡與麥當勞的豬柳漢堡一樣，都是小弟最喜歡的食物，因為叫醬味吉列豬扒漢堡不需走沙律醬，點解？因為本身冇沙律醬嘛！至於會否再光顧？看情況吧，等較少人光顧後會再考慮！
除了到食堂吃摩斯漢堡外，在大堂上亦看到一架麥拿倫 F1 賽車，事緣麥拿倫 - 梅塞德斯車隊（ Team McLaren Mercedes ） F1 賽車的主要贊助商 Johnnie Walker 在 apm 於星期日有宣傳活動，放了一架 F1 賽車在大堂上。老實說， F1 賽車在靜止的時候只是一架 1:1 模型而已，沒有甚麼特別，小弟只是用手機離遠拍攝一張相片便離開了。
10 則留言:
as long as you go to a F1 Race, all you can feel is only the smell of Fuel, you can't really see those racing girls, nor any F1 car, they are just too fast to you.
sit back on your sofa, watch Live TV show of F1 is much much better
XD~我覺得apm food court好貴喔,真係咁好食?幾許 ga? how about burger king?
To 牛牛女皇：
真係 OK 喎，我覺得。
至於 Burger King ，好耐之前 (90 年至 94 年) 響香港食過，同 Wendy's 一樣，已經冇乜印象了。
你竟然排到隊買MOS BURGER咁勁！我同老公週六經過想買隻試下，未去到已經見到個FOOD COURT塞滿晒人，漢堡包多數沽清，只餘三款可選擇，咁我地梗當堂縮沙啦。我相信週六要排唔止二十分鐘呀……當下我地講笑話不如去山頂食BURGER KING算喇，又或者豪一豪佢食TRIPLE O或者RUBY TUESDAY算啦。
最後係咩漢堡都無食啦。遲D無咁多人再去看看先。
To Unforgettable:
我可以響返工時間食野，有乜野做唔到？ XD
經鈴木仁先生推介下，我也去試了。個日真係排勁耐，我排了三十分鐘！
係真係幾好食，不過有點貴。38一個餐。食完好味但都肉痛
can't see the pics..
: )
To qing wa:
請使用 Firefox ，IE 睇呢個網頁有時會有少許問題。
真係咁好味嗎? 俾你講到我都心郁郁想試.
但小妹總覺得鬼佬包好似乾爭爭咁既
To dino:
佢同美國漢堡包不同之處，就係冇一種好煎炸的感覺，而且 d 醬汁真係幾好味，呵呵。
發佈留言