2014年6月20日星期五

戲院易手



早前已收到消息,位於旺角的 UA 朗豪坊將在今個月底結業,並由天馬娛樂於七月尾,承租旺角朗豪坊戲院 10 年。經常去朗豪坊睇戲的朋友都會發現,自從新世紀廣場 Cine Grand Century 戲院開張後, UA 朗豪坊的票價在三個月內加了兩次,現時正價 2D 戲加到 $90 , 3D 戲加到 $125 。戲院結業前兩度加價,確實難得一見;但明眼人都看到, UA 想將朗豪坊的人流轉移至新世紀廣場,因為 UA 朗豪坊是全港最高票房戲院,一年票房收入超過 1 億,現時戲院易手,當然想將部分票房拉回新世紀廣場。至於天馬娛樂承租朗豪坊戲院,據壹週刊的報道,朗豪坊戲院後需為票房「跑數」,若然一年內的票房未達標,商場可向天馬娛樂提出六個月的書面通知,並於三個月內結止租約;而目標金額則會以承租前 12 個月所經營的每月平均票房來釐定,不知易手後的朗豪坊,日後會否繼續成為全年最高票房戲院?

2014年6月6日星期五

影音動享受



當 Blu-ray 影碟以及高清音效可直接輸出時,家庭影院的聲音清晰度以及速度感上,都比戲院聲音系統強勁,尤其是沿用多年的戲院版 Dolby Digital 與 DTS(現時的 Datasat )沒有重大更新,家庭影院的聲音表現可直逼電影院的效果,而戲院的唯一優勢,就是畫面夠大。其實,自從戲院開始轉 3D 設備之後,就開始陸續升級播放設備,除了數碼投影機,同時亦改善聲音播放設備,而講到聲音播放, Dolby Atmos 可說是功高至偉,安裝 Dolby Atmos 系統的戲院, Dolby 對使用的器材與設定上都有嚴謹的要求,不會像以往一部放大器拖幾個喇叭,又或者喇叭擺位不當令聲音輸出表現出問題等。當然,聲畫享受提升了,票價亦隨之而上調,好似早前筆者到奧海城 the sky 睇 8:50am 早場,欣賞《蜘蛛俠 2:決戰電魔》4K + Dolby Atmos + D-BOX 版本,票價要 $120 。三行 D-BOX 座椅,有 3 個位賣出。雖然 D-BOX 戲票賣得特別貴,但其搖動效果不會令人失望。