城門水塘

星期日去深水埗買工具，幫襯基隆茶餐廳之後，忽然想去行山。開九巴 App，發現 36B 去梨木樹，立刻去欽州街上車坐到總站，跟住開地圖 App ，一直行斜路上山去城門水塘。其實响荃灣有綠色小巴直接到城門水塘，但在梨木樹巴士總站行到城門水塘士多，都是 20 多分鐘而已。

去到城門水塘，本來想在水塘行一圈，之後又諗住去下城門水塘睇吓有冇差人「守水塘」（因為好多人落去下城門水塘影龜裂地面）。行了一會，看到「麥理浩徑第六段」牌坊，最後決定行「麥理浩徑第六段」逆走。未行之前，先望一望地圖，原來行程頗短，是麥理浩徑行程最短的一段，一般人一小時左右便行完，但由於今個星期開始炎熱，所以先喝 250mL 水，再在入口的水機入滿水樽才開始行程。



行程地圖（Google Maps）：
https://goo.gl/maps/h7H6Y89wgztNWo8N9

「麥理浩徑第六段」牌坊看似是第六段入口，但如果以順走而言，其實是第六段出口，進入麥理浩徑第七段上針山，所以從牌坊進入去金山，終點是進入獅子山郊野公園的第五段。

正如前文所說，第六段是麥理浩徑當中最短的一段，很快行完，但路上經過城門碉堡及孖指徑戰壕古蹟，中午去行山，絕對有時間去慢慢探究。

行到高點，還可以看到葵涌全景，不過有少少西斜，相機冇 HDR 功能較難拍攝較好的效果。

無綫取景

要睇維多利亞港景色，除咗去山頂，仲有一個更快嘅方法，就係去司徒拔道觀景台，同樣係搭 15 號巴士，但只需一半路程，在「白壁」分站便到達。

司徒拔道觀景台以往都是不少大陸團必到之處，因為睇香港夜景，上山頂好花時間，去呢度慳一半時間，景觀與山頂相差不遠，最重要是，這裡可以短暫泊車，有廁所，最適合作短暫停留。

另外，司徒拔道觀景台亦是無綫常用的場景，包括《香港雲起時》（1989）、《笑星救地球 － 九七前後》（1990）、《家族榮耀》（2021）等等，真係數之不盡。作為常用場景的原因同樣簡單，香港夜景很代表香港，有泊車位，有廁所，最重要是只有架巴士經過，沒有行山徑經過此處，日間的遊客相對較少，加上是政府管轄休憩範圍，可租借場地封場拍攝，作為拍攝場地就十分合適。

懶人行山

香港有好多地方可睇到日落靚景，例如在山上看日落景，最懶嘅方法係由山頂行去西高山觀景台，前後不需 30 分鐘。如何去山頂就不用多說了，現在除了搭的士或私家車，就是乘搭小巴或巴士，山頂纜車要到今年夏季才正式重開，到時大家可乘搭第六代山頂纜車了。



Google Maps 路線：https://goo.gl/maps/SQyXnZupaYRKXnAg9

行程簡介：山頂→夏力道→西高山觀景台

由於在山頂已爬升了 385 米，上到西高山觀景台的高度為 494 米，即是由山頂上西高山，爬升高度只是 100 米左右，一個鐘內可上落一次，絕對是「懶人行山」之選，不過假期人數較多，想影靚相的朋友，請預多些時間霸位。

睇完日落景仲可以去山頂影香港夜景，上面張相仲見到第六代山頂纜車。