政治廣告

星期二晚看到一個廣告，內容是這樣的：有兩個女仔看到一條裙，有個女仔講：「畢業 Party 可以著到呢條裙就好喇！」跟著另一個女仔就返屋企就參考其他雜誌，設計了一條Tube Top 晚裝，問身為裁縫的媽媽：「你估做唔做到呢？」雖然媽媽好忙，條裙好耐都未整，但到了畢業 Party 當天，媽媽終於做好條吊帶裙了。阿女抱著媽媽講：「好靚呀！」媽媽就同阿女講：「試吓啱唔啱身？」廣告的末段，出了兩句說話，第一句：「信任　讓夢想成真」，第二句：「請支持 2012 政制方案」。

我想講的，是政府說了一個現實情況畀你聽 ── 有香港市民希望政制向前走，希望取消功能組別，盡快實現真普選，跟著同政府反映。政府到最後拋了一個方案，不單沒有取消功能組別的意圖，還在直選與功能組別分別增加5席，政府仲同你講：「如果你唔支持我，政制就原地踏步喇！」默不作聲的蟻民，唯有默默支持這個所謂有進步的政制方案。筆者最後想說：「信你一成，雙目失明」。

維園阿哥

醫療保險

雖然立法會好多功能組別的議員曝光率不多，但部分議員都能夠聽人意見，與不同政見的朋友一起討論，例如在 2 月 21 日舉行的《城市論壇》中，保險界立法會議員陳健波議員與台下的年青人 Edward 針鋒相對，但節目後走向 Edward 與他一起論，還在同一天上 Edward 所開設的網台 AJ.hk 接受訪問，值得一聽。

五區總辭

想寸人，都起碼知道自己寫乜，小弟才疏學淺，不知「三個春字」點打，唔通蠢人真係唔識打個「蠢」字？

原文：
http://forum7.hkgolden.com/view.aspx?type=BW&message=2119575

灣仔補選

資料來源：http://news.gov.hk/tc/category/administration/090508/html/090508tc01001.htm

灣仔補選共獲兩份提名

灣仔區議會鵝頸選區補選提名期今天（5月18日）結束，共接獲兩份提名表格。 兩名獲提名人士，分別是民主建港協進聯盟、任職中心主任的鍾嘉敏，和社會民主連線、任職上市公司總經理的季詩傑。

補選6月21日（周日）舉行投票。為候選人及其代理人舉辦的簡介會，5月22日（周五）晚上6時30分在灣仔軒尼詩道修頓中心21樓灣仔區議會會議室舉行。

住在該選區的朋友，希望支持一下季詩傑，佢係我中學同學，大家俾俾面！以下是黃毓民訪問季詩傑的片段。

爭取支持

自由黨在今年直選議席上「全軍覆沒」，早前周太斥劉皇發為民建聯拉票，令她票源流失。筆者認為，參加直選，就是面對群眾，靠人不如靠自己，我記得在香港電台節目《講東講西》，譚志強曾經講過，他所住的地區屬新界東，他見到田北俊的議員辦事處，但從不見他的出現，這亦說明自由黨在直選全軍覆沒的重要原因 ── 沒有真正面對民眾。

好似在 4 年前，當長毛與田北俊同樣以 60,000 多票贏得議席，但到今年，田少落馬，長毛得 40,000 多票，是新界東的第 2 高得票，這是因為長毛不只用行動發表意見，至少在 3 個辦事處定期接見市民。另外，筆者聽《千禧年代》時，有聽眾支持周梁，但因為厭倦了政治鬥爭所以沒有投票。筆者在《 AV Magazine 》的〈編者話〉中說過，香港的前途是由你決定，今年有超過一半選民不投票，不投票給你所支持的議員是你的損失！

長毛語錄

雖然今年少人投票，但投俾長毛依然有 40,000 萬幾票，選完之後，佢講了一句很大快人心的說話：「用幾百萬，買兩個位，早抖啦！」詳請睇片。

鬼祟調查

遇著以下調查員，請說自己支持民建聯！
「口投民建聯，票投社民聯」

記得投票

點解大家要投票？如果你唔投票，即係將投票的權利送給投票的人，投票的選民真係多謝大家給予這個機會。小弟在九龍西投票，有人會問我，我會投票選哪個人？以下是小弟的意見。

1. 有清晰立場，不論是親共、反共、反對派、保皇黨等等，都是立場。今年見到一個人真係好唔掂，佢就係梁美芬，你就係親共啦，仲乜扮中立？乜親共好失禮你咩？
2. 追求與維護普世價值，包括人權、民主、自由等等。
3. 只是用口號來取悅選民，邊個最勁？咪就係民建聯囉！
4. 講大話的參選人，例如民建聯的李慧琼話蘇錦梁自己講話佢係加拿大人，好心佢啦，係《信報》踢爆佢係有加拿大藉，龜縮了一個星期先認自己係加拿大藉。
5. 不參加直選論壇，不面對民眾，劉千石就是一個例子，劉千石，97前一屆都仲選你，依家一定唔選你，你話在立法會唔出聲、唔動議都可以幫到基層市民，咁我留個位俾第二個，你繼續在立法會外幫助市民啦！
6. 直選論壇對著篇稿講自己的內心說話，田北辰，你叫人點信你？

諗來諗去，涂謹申與馮檢基冇理由唔夠票當選，所以我會投黃毓民，希望大家投「社民連」！

（九龍西參選名單包括：莊永燦、李慧琼名單、龍緯汶名單、涂謹申名單、毛孟靜名單、林依麗、梁美芬名單、黃毓民名單、田北辰名單、馮檢基名單、劉千石、柳玉成名單與譚凱邦）

誰最無恥

剛睇完條片，真係大快人心！