由池袋去橫濱的「元町．中華街」，今次本人就選擇乘搭 JR 湘南新宿線特別快速列車直達橫濱站，再轉港未來線（みなとみらい線）搭到總站，去到港未來線橫濱站，發覺原來此線與東急東橫線直通，即是從澀谷乘搭東急東橫線是可以直達元町．中華街。
返到香港後再查看路線，原來是同時連接副都心線，即是由池袋乘搭副都心線地下鐵，亦可直達元町．中華街，只要選好特急或急行線，可將乘車時間減至最短 48 分鐘，下次有機會可試一試！
今次去橫濱主要去兩個地方，分別是童星點心麵館，以及日清杯麵博物館。本來只是想去位於中華街橫濱博覽館的童星點心麵館（ベビースターランド），但既然遠渡而來，於是再去離開不遠的日清杯麵博物館吧！落車之後，發覺原來「元町．中華街」是日本的唐人街，整個地區都是中國餐館，由於去橫濱當日是星期日，到處都是「日本遊客」，冇錯，係日本遊客，眼見很多日本人一家大細來中華街飲飲食食，但與廣東道的遊客比較，又確實冇得比！
中華街的街道都有點複雜，發覺自己行錯路，行到中華街的停車場，外觀十分有中國牌坊式入口，相當特別，兜了一個圈，終於找到橫濱博覽館了，門口放了一個「童星」大頭（我不知主角人物叫乜名，好似叫阿啤或阿 B ，都是在網上找到），十分搶眼，基本上整個橫濱博覽館是以童星作為主角。
除了有童星點心麵的製作過程，更可買即製點心麵與紀念品，買了一個即製點心麵，相當香口好食，來到這裡絕對值得一試。
童星點心麵不能當正餐，但在中華街可以食乜？老實說，小弟就沒有興趣去唐人街食中國餐，在香港食唔夠咩？下期再講。
童星點心麵館地址：
ベビースターランド
神奈川県横浜市中区山下町145番地横浜博覧館2階おやつファクトリー内
下一篇：東京遊記：中華街深圳小狗
沒有留言:
發佈留言