2005年6月29日星期三

頭文字D

在上一篇裏,已提及過小弟到奧海城看過《頭文字D》(頭文字[イニシャル]D ),今日看過網上很多評論,有讚亦有彈,但大部分評論都是很感性,喜歡明星的,就將《頭文字D》捧到上天堂,而不喜歡港產片的,評論似乎有點苛刻,有見及此,小弟想有此寫一篇少少的評論,對於未觀看《頭文字D》的你,希望可作為大家參考之用。

《頭文字D》電影,最吸引人的地方,是將漫畫的飄移片段呈現在銀幕上,平心而論,飛車的畫面是很難捕捉,今次還要做飄移動作,能夠以一半自然光拍攝飄移的畫面,《頭文字D》所帶出來的效果已相當不俗了;而《頭文字D》電影中,除了將車牌變「矇」之外(可能是漫畫作者重野秀一的意思,據說漫畫中的跑車是沒有車牌號碼,希望有人能夠解開小弟心中的疑團),賽車場面上只有兩處地方加添很明顯的電腦處理,包括在直路的地方,跑車車速明顯較快,以及須藤京一的 EVOLUTION III 飛崖那個鏡頭是電腦合成( Composition )效果。如果要知道真正的日本山路賽車有幾「慢」,《頭文字D》能夠真正反映出來。至於演技方面,小弟有以下的評價:

藤原拓海 ── 周杰倫同漫畫主角有點相似,不懂說話之餘,說話帶點不清,最「惡攪」的,是周杰倫親自配上廣東話,令小弟對他演譯藤原拓海的印象大打折扣。

藤原文太 ── 黃秋生基本上做乜似乜,今次做藤原文太,個樣有點似漫畫中的藤原文太!不過,印象中的文太只會經常吸煙,好似不是酒鬼!

高橋涼介 ── 老實說,陳冠希的演技已經比《無間道 2 》的時候更加自然,但無奈地,以他帶點輕挑的外型,飾演高橋啟介相信更加適合,他正戲中很正經地講賽車理論實在有點怪。

中里毅 ── 在《無間道》的陳永仁,沉實且充滿心事的性格的確有點似漫畫中的中里毅,加上余文樂的外形,演中里毅相當入型入格,可惜的是,在片中的發揮有限,看不到真正功力。

須藤京一 ── 無論外形和說話方式,陳小春都演譯得相當好,可惜的是戲份太小, EVOLUTION III 飛崖之後在爛車爬出來的狼狽樣子亦只出現數秒,實在唔夠喉。

岩城清次 ── 由 "劉畊宏" 演譯,學 Gensan 話齋,佢好戲過班明星!說話夠寸,外形夠 cool ,不過俾我選擇,我仍覺得陳小春演譯得較好。

立花樹 ── 由原著的 "武內樹" 變了 "立花樹" ,在電影中叫做「阿木」(用我個花名?有冇攪錯?),令小弟百思不得其解!不過,在《頭文字D》電影中,杜文澤的表現與黃秋生同樣突出,可惜,杜文澤太肥,似一個中年人多過後生仔!

油站老闆 ── 變了武內樹的父親,叫立花佑一,與原著有出入,印象中油站老闆是一個和藹可親的人,與藤原文太是朋友,鍾鎮濤在電影中的表現已有所交待了。

茂木夏樹 ── 唔係話鈴木杏演技唔好,但鈴木杏的過份 baby fat ,令小弟主觀覺得她毫不可愛,藤原拓海點會鍾意佢?

總括來說,以故事結構、選角和場景編排上作考慮,《頭文字D》不是一套必看的電影,用來消磨時間也是不俗的選擇,如果 budget 有限,可以慳番 $50 看《強戰世界》,但假如你喜歡看《頭文字D》漫畫/電視劇,其實應該入場看看,因為連原著者重野秀一也稱讚的電影(寰亞在今年 5 月送交一個 copy 給重野秀一觀看),你又有甚麼理由不看《頭文字D》電影?

9 則留言:

lamkiuwai 說...

問題係香港方面只是向漫畫公司買版權,只要確定漫畫是否顯示車牌便行。

Teddy | 太迪 說...

86 都有幾個 shot 有車牌的。
係 woo,Edison 做啟介先正路,我覺得 Yu 做涼介都 OK 架。
^^

gensan 說...

86 爆偈果幕係有 show 車牌的,起碼有兩個鏡,但之前 86 同豆腐舖果個 Wide Shot 唔知點解就 Blur 左,明顯到好多人都睇到,可能係後期剪片時發現同其他 shot 的車牌不統一 :p (因為用左唔止一部 86 拍的)

gensan 說...

做乜唔提 CN9A 之男岩城清次,我覺得佢仲好戲過果班明星wor!另外,原來健二都有人演的!但我完全感覺唔到,戲中又無人提過,RPS13 當然更加無啦,就算係阿木(-_-;)架 AE85 都無啦!
講開又講,油站老闆個角色,應該係佑一同埋池谷前輩的混合體,我見佢架車好似係 S13.... 不過睇得唔清楚,同埋之後又無乜提過~~

gensan 說...

記得 Edison 在《JET》提過,佢係將高橋兩兄弟的角色混合來演的.... @_@

lamkiuwai 說...

但係中里毅俾拓海後追,好明顯係演埋高橋啟介那段。

lamkiuwai 說...

: 86 爆偈果幕係有 show 車牌的,
: 起碼有兩個鏡,但之前 86 同豆
: 腐舖果個 Wide Shot 唔知點解就
: Blur 左,明顯到好多人都睇到,
: 可能係後期剪片時發現同其他 shot
: 的車牌不統一 :p (因為用左唔止
: 一部 86 拍的)

我諗拍戲時唔准用假車牌,攪到架架車個車牌唔同卦。

gensan 說...

情節全部係左拼右貼,同原著比根本無得比啦。E3 VS 86 VS FC 果幕,原本 E3 應該係 R32,而且本來 FC 只係響後面觀戰,86 係扮外彎扒頭最後成功內彎落坑過的.... 至於 86 同 FC 鬥又係另一場了,而 86 爆偈後未換萬二轉膘板前其實仲有場 E3 對 FC,玩開賽車場的京一最後輸右轉彎~

哈哈,都係唔好咁執著 :p

lamkiuwai 說...

演 "岩城清次" 應該係 "劉畊宏",唔好意思,因為我寫呢篇文時唔知邊個演 "岩城清次" 。