東京遊記 2026 ─ DAY 5：成田機場返香港

【上文提要】東京遊記 2026 ─ DAY 5：搭 Skyliner 去成田機場

星期三晚上 6:45 乘搭全日空返港，在下午 1:43 已到成田機場 T1，大家可能會認為本人太早到達機場，其實去到機場寄行李，行行企企，食一個下午，都已花費兩個多小時，而且東京都心與成田機場之間的距離較遠，遇上交通事故，就需要花更多時間去機場。今個月千葉市大暴雨，引致交通大混亂，令很多人無法趕及到機場搭飛機，預早到成田機場絕對冇蝕抵。

自助 check-in 及完成寄運行李手續完成後，到成田機場食個中午，入禁區前也有很多餐廳，其中一間叫「和食 京成友膳」的門面吸引友人入內光顧，店舖門口放滿食物模型，每種食物標明價格，細看之下，價錢又幾合理。未入舖頭，店員已提示出餐時間要 20 分鐘，由於已預留很多時間，入內食午餐當然冇問題。

餐廳選擇繁多，最後都是點本人至愛冷蕎麥麵（加底）加雜錦壽司組合，2,000多円左右，食物質素尚可，壽司都是「壽司郎」質素，蕎麥麵同樣清涼爽口。

食完中午，入禁區前再到機場遊走，行了一轉暸望台，打卡位不太顯眼，但大家有時間也可捕捉飛機升降一刻作為打卡的背景。

飛機如常升降，晚上 10:30 到達香港國際機場，但差不多碌了 20 分鐘才到登機橋。搭機場巴士返屋企，到屋企已到午夜 12:40 了，執拾一下，沖個涼，三點幾才睡。

【下一篇】東京遊記 2026 ─ 後記 (1)