西貢遠足

差不多有半年沒有遠足了，天氣太熱、下雨、打風前後日子都不適合行山，所以趁今年年初五比較得閒的時間，行一段較長的路程，今次就選擇行「麥理浩徑２段」（逆走）。還記得2022年年頭，曾經行過「麥理浩徑１段」到達萬宜水庫東霸，再沿路折返，但全段「麥理浩徑１段」都是石屎路，行得幾悶，今次想行２段，但又不想由１段開始行，所以選擇由２段終點行到萬宜水庫。

去２段終點其實好簡單，在西貢碼頭乘搭九巴94號到達北潭凹落車，過對面馬路就是了。如在假日時間，可選擇乘搭96R，直接由鑽石山站出發，終點位有廁所及水機，飲定水同去定廁所。本來預計的路徑是行晒整段「麥理浩徑２段」，到達東霸才決定行「麥理浩徑１段」逆走還是搭的士離開。後來因為行錯路，最後的路程如下：北潭凹→赤徑→鹹田灣→田灣→吹風坳（半段麥理浩徑２段逆走）→西灣亭→（西貢西灣路）北潭涌

「麥理浩徑２段」逆走，一開始是暗斜落山，十分好行，年初五並不是假期，但對於大陸來說還是假期，好多大陸人來港行山露營，觀其裝備就知道來自大陸，因為全部幾乎一式一樣，有時遇到大陸人都會問路，如果識路都會答吓佢哋。

一開始行，好快就會望到黃石碼頭，遇著年初五天氣好，景色十分優美。

路住一路落山，會經過赤徑碼頭，那裡真係水清，最重要係沒有人，海面更沒有垃圾。

跟住指示行，就會鹹田沙灘，我真係第一次在香港望到咁靚嘅沙灘，由於由北潭凹行過來也要個半鐘，不是去遠足或路營都不會專程來到這裡。

離開鹹田海灘，就開始上山，但路程不長，全條路大部分舖上石屎及梯級，路上還會經過西灣觀星台，這裡周圍沒有燈光，觀星一流！上山一段時間便會落山，去到第二個海灘──西灣沙灘，如果跟麥理浩徑行法，會經過一條石橋，其實如果遇著西灣退潮，可直接行沙灘，可節省十多分鐘。

由於不是假期日子，大部分店舖都沒有開舖，但西灣幾間店舖在平日也會開舖，尤其是海灣茶座，看著無敵海景真係一流，不過海灣茶座食嘢都幾貴，所以只係經過影一張相走人。聽講假日可以買船票直接搭快艇去西貢，但因為我唔識游水，搭快艇真係可免則免了。

至於點解行錯路而改行西貢西灣路？因為在吹筒坳冇睇路，一路直行，行到西灣亭才發現行錯路，本來想行返轉頭去浪茄，但看時間，怕未落山已天黑，結果都選擇直接西貢西灣路步行去北潭涌，這段路大約行個多小時。