今次去日本五日四夜，實際上只是得三全日、一晚與一個上午，因為小弟搭 10:40am 早機，去到日本已經是當地時間 4:00pm ，過埋關，由成田機場到池袋，差不多已 8:00pm 了，而到了第五天，則是乘搭 6:15pm 飛機返香港，所以要在 2:30pm 由池袋搭火車走人。要用盡三日時間，必須將相近的景點盡量集中。
到日本成田機場，除了買車票到池袋，另外就是買「富士山去回票」，這是公司同事建議小弟的行程，可以去富士急高原樂園（ Fujikyu Highland ）或者河口湖玩，而每年七月到十一月，JR 東日本都提供「富士山去回票」（ Mt. Fuji Round Trip Ticket ），只要有外國護照就可以在旅遊中心購買，售價 5,600 日圓，官方網站指出，價格便宜一半。到底係唔係真係平一半？小弟真係去 JR 東日本的路線搜尋網頁計數，如果以來回票的特急車自由席（ Free Seat ）計算，由新宿到富士急高原樂園，總票價為 3,330 日圓（新宿→「中央本線急行」→大月／2.250 日圓，大月→「富士急行線」→富士急ハイランド／1,080 日圓），如果坐指定席（ Reserved Seat ），單程票價為 3,850 日圓，就算計指定席，都不是便宜一半（除非搭兩程以上富士急行線）。
不過，5,600 日圓來回，一程都是 2,800 日圓，加上來回票包兩程 JR （例如由池袋到新宿一程），所以去到機場，第一時間買「富士山去回票」！由於是一張特別車票，所以不能用自動入閘機過閘，必須經車務員入閘。另外，要在指定席「留位」，必須去票務處取飛。
廢話講完，先由成田機場到池袋，搭 N’EX 已用了 1,500 日圓了，放下行李，返回池袋車站，第一件事是替同事的「企鵝卡」（ Suica ）增值 2,000 日圓，然後去新宿食晚餐，同事介紹小弟去「六歌仙」，至於食乜？下一篇再講。
下一篇：東京遊記：六歌仙豪食
沒有留言:
發佈留言