「給你一對翼」並不是衛生巾廣告（老實講，一講「兩隻翼」，總是會先想起護舒寶，廣告對兒童的影響力真是很大！），而是紅牛（Red Bull）的香港代理捷成洋行的廣告。昨日下午，在觀塘廣場有宣傳活動，除了派發紅牛的宣傳單張外，還有紅牛贈飲！當時宣傳人員問小弟：「有冇聽過紅牛呀？」我話：「有，賣 $14.9 嘛！」我恨不得叫她開一罐紅牛給我飲，反正我夜晚飲完都能如常睡覺，二來我當時很口渴！最後她自動開一罐給我，半條開源道的路程已經飲完了。話說回頭，香港代理攪街頭試飲簡直是多餘，因為紅牛的確很難飲，味道似咳藥水。小弟認為，不如賣得便宜一點吧，現在賣 $14.9 ，小弟不是頭痛也不會購買！
8 則留言:
Red Bull 的確太貴了
不過無記錯係外國唔少 Pro-Gamer 打比賽時指定既飲品
小弟之前 IVE 考試, 試前的確因為精神唔夠買左 Red bull 試下
的確提下神 不過作用時間似乎....比茶/奶茶還差 :(
下次頭痛可以試下飲 "寶礦力",好飲好多~~
頭痛都係食藥或者睇醫生喇。
記得個廣告, 公主請青蛙飲完紅牛後, 青蛙即時變左王子飛走, 臨行前仲講, "睇下仲有冇其他公主咁唧."
等我以為red bull係春葯添 :P
To Patrick:
我頭痛都係因為唔夠精神，如果冇時間休息，先會飲紅牛。
我跟red bull出過trip去歐洲，嗰邊的確好受歡迎，而佢嘅價錢貴過香港好多，但對歐洲人嚟講都唔會係貴！去pub時仲會溝酒飲！其實香港個market咁細，賺得你幾多丫
愛爾蘭有人試過連飲兩罐紅牛，落落下disco死左，好恐佈！
To Ernus:
落 pub 買紅牛緊係貴啦，即係響香港酒吧買紅牛，分分鐘 $30 - $40 一罐。要去 7-11 或百佳先至有 $14.9 。
發佈留言