2006年7月19日星期三

給你對翼


「給你一對翼」並不是衛生巾廣告(老實講,一講「兩隻翼」,總是會先想起護舒寶,廣告對兒童的影響力真是很大!),而是紅牛(Red Bull)的香港代理捷成洋行的廣告。昨日下午,在觀塘廣場有宣傳活動,除了派發紅牛的宣傳單張外,還有紅牛贈飲!當時宣傳人員問小弟:「有冇聽過紅牛呀?」我話:「有,賣 $14.9 嘛!」我恨不得叫她開一罐紅牛給我飲,反正我夜晚飲完都能如常睡覺,二來我當時很口渴!最後她自動開一罐給我,半條開源道的路程已經飲完了。話說回頭,香港代理攪街頭試飲簡直是多餘,因為紅牛的確很難飲,味道似咳藥水。小弟認為,不如賣得便宜一點吧,現在賣 $14.9 ,小弟不是頭痛也不會購買!

8 則留言:

ms09 說...

Red Bull 的確太貴了
不過無記錯係外國唔少 Pro-Gamer 打比賽時指定既飲品

小弟之前 IVE 考試, 試前的確因為精神唔夠買左 Red bull 試下

的確提下神 不過作用時間似乎....比茶/奶茶還差 :(

鐵鈑洋蔥加豬扒 說...

下次頭痛可以試下飲 "寶礦力",好飲好多~~

Patrick 說...

頭痛都係食藥或者睇醫生喇。

dino 說...

記得個廣告, 公主請青蛙飲完紅牛後, 青蛙即時變左王子飛走, 臨行前仲講, "睇下仲有冇其他公主咁唧."

等我以為red bull係春葯添 :P

傳說中的地通拿 說...

To Patrick:
我頭痛都係因為唔夠精神,如果冇時間休息,先會飲紅牛。

ern* 說...

我跟red bull出過trip去歐洲,嗰邊的確好受歡迎,而佢嘅價錢貴過香港好多,但對歐洲人嚟講都唔會係貴!去pub時仲會溝酒飲!其實香港個market咁細,賺得你幾多丫

森美 說...

愛爾蘭有人試過連飲兩罐紅牛,落落下disco死左,好恐佈!

傳說中的地通拿 說...

To Ernus:
落 pub 買紅牛緊係貴啦,即係響香港酒吧買紅牛,分分鐘 $30 - $40 一罐。要去 7-11 或百佳先至有 $14.9 。