做咗呢行咁耐，有樣嘢我都會盡量堅持，就係準時到記者會，講真，人地遲到關我叉事，總之自己唔遲到就得，但最近去某啲記者會，我都開始遲到，事關有啲記者會寫明 2:30pm 開始，但咁多個行家都知佢 2:30pm 都分分鐘未預備好，通常都要 3:00pm 至開波。我記得以前呢間公司都唔係咁，可能自從呢間公司的靚女 PR 「癲佬」離開咗之後，主要工作就由佢阿姐負責，講真，嗰位阿姐嘅下屬似乎冇乜用，次次出新聞稿都冇佢個名，我好懷疑篇新聞稿都係由阿姐負責。另外，我仲睇到一個現象，就係呢間公司嘅外藉阿「頭」，無論大小記者會都會出現，我心諗，乜佢好得閒咩？次次記者會都來，唔通啲下屬要你住先肯做嘢？咪玩啦！一間大公司，個老細死左都識 Auto Run ，何況係一個阿「頭」？我公司個老細長期唔喺公司，本書咪一樣期期出街！最近嗰次記者會，佢仲拎住份 Catalog 睇，跟住我問一位嗰間公司嘅肥妹（佢臨尾會瘦番，唔使擔心）下屬：「乜你外藉老細識睇中文咩？」佢話，原來佢識睇小小中文，原來，我有眼不識泰山！
（以上有很多香港字，請在最新的作業系統下欣賞）
7 則留言:
我都去過不少記者會，
好多記者會都係例遲。
有次離譜到，遲成個鐘﹔
有次都唔差，開始個記者會成個半鐘，
都仲未入正題。
強迫集體浪費時間，
不如早點搞完，大家開心啦~~
唔好怪呢位下屬啦，人地公司咁多瓣產品，呢個話借 Notebook，果個話借 DC/DV，第個又話借 LCD TV...... 顧咁多瓣又真係幾辛苦！出阿姐個名可能只係公司政策問題，大家借野時又有幾可真係搵呢位阿姐丫！（當然閣下同呢位阿姐好熟就大家都知啦！）
致神人：
有時記者會遲開始，可能只是為了等埋某些遲到的記者而已，沒有其他特別的原因。
你係唔係講更．．．四個英文字母個間？
佢愈遲開...D人下次就愈遲到....惡性循環姐.....
to 水怪：
食左某AF先驅相機部果間!?
唉，公關開記者會，好多時要交（人）數架，儲夠quota，有得同個client交待你估Ｄ公關真係會咁friend等埋你咩？尤其有時Ｄ公司一齊開記者會，幾間公司一齊搶人，焗等咋。阿木應該知。
多謝地通拿兄點名讚小妹靚女喎, 想食d咩唧, 隨便叫, 我請!!!
無論記者定係公關, 雙方既時間都好寶貴, 產品多又或者要交人亦唔應該係遲開既借口. 大概係每個人既處事手法唔同掛.
不過您都唔好咁介懷啦, 大家都係打工唧, 總有方法4466柝掂佢既 :>
發佈留言