2016年9月29日星期四

廣州之行:Canton Tower

【上文提要】廣州之行:1920 餐廳



廣州人係特別唔同,英文都用得好國際化,例如「廣交會」的英文名叫「Canton Fair」,廣州塔的英文名叫「Canton Tower」。好多香港人以為 Canton 是指廣東,其實 Canton 一直以來都係「廣州」嘅英文名,所以香港嘅 Canton Road 本來就應該叫做「廣州道」,但 Canton 個音同「廣東」更接近,結果 Canton Road 就變了廣東道,Cantonese 就變了廣東話,老老實實,廣東唔係個個都講廣東話,Cantonese 頂多只能叫「粵語」或者「廣州話」而已。



說回正題,我去廣州很多次,都一直想上去廣州塔睇睇,只不過大陸毒霧(對唔住,「霧霾」呢啲美化詞語我講唔出口)嚴重,上去塔頂都只能看到灰濛濛一片,早前與朋友去廣州遇到稍佳的天氣,所以到塔頂欣賞風景。

要廣州塔的戶外位置欣賞風景,要購買 228 人仔的門券,雖然一早知道在網上訂票的售價較便宜,但天氣難料,本人都是到達廣州塔一刻才決定是否上廣州塔觀光。另外,只要付 298 人仔便能乘搭 460 米摩天輪,假如你對大陸的機動遊戲有信心,不妨在廣州塔上乘搭 460 米摩天輪或 450 米極速雲霄(跳樓機)。



另外,廣州塔附近有一條「海珠有軌電車」,採用現代化電車設計,地台高度與低地台巴士差不多,而家九龍東還在興建單軌,實在太落後了,有時間的話,不妨花兩蚊人仔搭一程。

2016年9月27日星期二

廣州之行:1920 餐廳

【上文提要】廣州之行:二次創作?



去了烈士陵園行了一個鐘,見有點肚餓,去了建設六馬路的 1920 德式餐廳食晚飯,點解我去西餐廳食,而唔响廣州食中餐?其實在廣州,兩個人食中餐是很吃力的事,每碟菜都很大碟,而且大陸煮任何食物都落很多油,實在有點吃不消的感覺,於是已一早選擇晚上吃西餐。





不過,在大陸食有質素的西餐一點也不便宜,好似今次點了一個香腸拼盤、一塊牛小扒、一杯白啤及一杯特飲,已經要 322 人仔。其實大陸有很多團購 app 專做特價,不過為了節省數十元就要出賣自己的電話號碼(何況我沒有大陸電話),那就不如豪一次吧。



這間西餐廳的麵包是送的,不過得兩件,香港好多西餐廳會拿一大兜,食極都食唔完呀!



下一篇:廣州之行:Canton Tower

2016年9月23日星期五

廣州之行:二次創作?

【上文提要】廣州之行:天河城

今次去廣州主要以「探路」為主,所以在「環遊嘉年華」逗留的時間亦不長,吃飯之後反而去了其他地方遊玩,其中一個筆者經常去的是「廣州起義烈士陵園」,因為朋友與我比較喜歡到處行,行烈士陵園亦是一個不錯的選擇。在園內有很多講述廣州起義的歷史,但以中國共產黨的作風,為了表揚自己,而將歷史扭曲,例如在園中的「廣州起義紀念碑銘」中的第一句「廣州起義是中國共產黨領導工農兵聯合舉行的武裝起義」,已清楚講明是紀念中國共產黨,所以園內一切文字資料可以不看,以免看壞腦。



大家就算是看圖片亦要小心,因為在大陸的官方圖片,很多時都是「二次創作」,好似在園內的中宣部海報,就是採用已故畫家豐子愷的作品,其實豐子愷在文化大革命時被人批鬥,死後才得到平反,已經十分慘,中共近年更借用他的作品進行黨的宣傳,實在噁心。

以上兩幅豐子愷的二次創作,分別是來自以下作品:

「山澗清且淺,可以濯我足」── 相信是源自陶淵明《歸園田居》中的第五首(其五),「山澗清且淺,可以濯吾足」


「劫後重生」── 令人想起般咸道石牆樹


下一篇:廣州之行:1920 餐廳

2016年4月26日星期二

廣州之行:天河城

【上文提要】廣州之行:廣州地鐵一日票



香港已經夠多商場,來廣州又竟然去行商場?冇錯,去到廣州,除了買一張一日票,第一時間就是搭地鐵去天河城,由廣州東站去天河城只需搭兩個站,落車在體育西路 C 出口經地庫 AEON 就可以上天河城,這絕對是大型商場的傳統設計,大型超市總是在地庫,而食肆、遊戲機中心就位於最高幾層。



大陸商場我都去得多,但去咁多大陸商場都有一個特色,就係人流低,就算好似深圳金光華、萬象城、KK MALL 等,只是食肆那層較多人,整體的人流就有如我屋企附近的紅磡廣場,感覺上較冷清。廣州天河城奇就奇在,人流很高,由地庫到七樓都一樣很多人,而且後生仔特別多,今次去六樓的「環遊嘉年華」探路,早上 11 點已經「一家大細」一齊打機、夾公仔了。不過,人流高的商場通常消費高,例如下午到江南宴食飯,兩個人消費兩百蚊人仔,老老實實,有點昂貴。

下一篇:廣州之行:二次創作?

2016年4月7日星期四

廣州之行:廣州地鐵一日票

【上文提要】廣州之行:坐直通車



去到廣州,第一件事就係去天河城,最平最快嘅方法就梗係搭廣州地鐵啦,但去廣州之日係星期日,好多人搭地鐵之餘,仲要有唔少人購買單程票,排隊過程中,發現原來有「廣州地鐵一日票」及「廣州地鐵三日票」發售,售價分別為 ¥20 及 ¥50 ,只要在票務中心畀錢就可以買到,一日票仲要係計 24 小時,即係 10:30am 買,可以用到下一日的 10:29am ,聽落十分抵。



不過咁,一般搭廣州地鐵都是由兩蚊到五蚊人仔不等,就算由機場南搭到去佛山都係 11 蚊人仔,買一日票搭地鐵隨時用唔晒廿蚊。由於廣州東站實在太多人排隊買單程票,最終都係買張一日票搭車。不過,我發覺自己冇買錯,因為我全日搭了幾程車,計落冇 ¥20 都有 ¥18 ,最重要係成日都唔駛排隊買單程票,慳咗極多時間,尤其是夜晚嗰兩程車,見到排隊條龍,我估計最少都排半個鐘,諗起都一額汗!

下一篇:廣州之行:天河城

2016年4月4日星期一

廣州之行:坐直通車

【上文】廣州之行:有乜準備?


▲ 九廣通特等位有餅乾同水一杯,全部香港製造。

至於講到上廣州,就有好多方法,如果住新界,最快同最平的方法就梗係搭車上深圳,再搭車,例如响羅湖過關行幾分鐘去深圳站搭城際列車去廣州東站或廣州站(舊站),由香港去羅湖貴極都係 $48.3(假設搭港鐵由柴灣去羅湖),深圳站去廣州東/廣州最平 ¥79.5 人仔,搭頭等都係 ¥99.5,唔想有人企响你隔離,就最好揀頭等啦。


▲ 韶山 8 型電力機車


▲ 九廣通採用瑞士 Lok 2000 型電力機車以一首一尾推動。

但如果唔介意貴少少或者住市區,就可以選擇坐直通車,紅磡上車,廣州東站落車,用兩地兩檢,車程約兩個鐘,同一出發地點比較,返大陸搭城際會慢少少,但主要係東鐵綫車程都要 40 分鐘,而且分兩程車,等車都用咗唔少時間。另外,直通車有分香港車「九廣通」同大陸「韶山 8 型」準高速列車,兩架都係行電,大陸車係全部 $210 一等位,而車廂分兩層嘅「九廣通」就有 $250 特等位,送一杯水同一塊餅,個位大少少(一行三個位),第一次坐或者冇位都可以試試。




▲ 九廣通車廂採用日本近畿車輛雙層客車。

下一篇:廣州之行:廣州地鐵一日票

2016年4月3日星期日

廣州之行:有乜準備?

基本上,小弟一年至少去兩次廣州,兩次都係去睇音響展覽,詳情就不在此多說,反正大家都沒有興趣,但上個月去廣州,主要係趁假期去玩兩日,我經常去大陸,到底有甚麼要準備呢?



如果想返大陸上 Facebook,第一件事要做的就是買一張中港上網卡,例如去廣州,就可以買張廣東香港兩用上網卡,面值就 $129,在深水埗桂林街與汝州街交界有一個「綠檔」專賣 SIM 卡,响呢度買乜卡都好平,唯獨是中港卡唔係平好多,因為中港卡一向有好多人買,呢個檔都要賣 $98,比起日本上網卡 $228 面價,實際賣價 $75 真係差得遠。

如果買上網卡,多數都會畀中國聯通 SIM 卡,聯通 3G 係用香港版,所以香港手機都用得到,但用嘅時候要記住依照指示,手動設定 APN 做「3gnet」,以及啟動「數據漫遊」,但換番自己張 SIM 卡前,記得關閉「數據漫遊」功能!雖然大陸好多地方都有免費 Wi-Fi ,但好多時要用電話號碼收 SMS ,加上上唔到 Facebook ,用 VPN 或者翻牆有時都未必上到,所以都係買張中港上網卡吧啦!

下一篇:廣州之行:坐直通車

2016年2月9日星期二

2015車公靈簽

2015 年馬年車公靈簽。

第七十二簽.上簽
丹鳳飛舞去朝陽,大展翔毛彩色香;
來儀偏向仁者宅,修福自然啓禎祥。
自身:積福為佳 財運:可有財穫 訴訟:以和為貴
行人:有佳音  生育:可得男孩 出行:合宜
事業:小心起步 姻緣:白頭到老 家宅:平安
搬遷:不宜   疾病:可痊癒

附錄:歷年簽文

2014 4中簽
福無私與皆天賜,禍不空生自有招;
一片婆心能積善;自然福長禍潛消。

2013 95下簽
駟馬高車出遠途,今朝赤腳返回廬;
莫非不第人還井,亦似經營乏本歸。

2012 29中簽
何為邪鬼何為神,神鬼如何兩不分;
但管拒邪修正處,何愁天地不知聞。

2011 11中簽
威人威威不是威,只當著力有箴規;
白登曾起高皇閣,終被張良守舊圍。

2010 53中簽
睽別家園歲月多,不知家內若如何;
昨宵一夢真端的,今日人傳信不訛。

2009 23下簽
君不須防人不肖,眼前鬼卒皆為妖;
秦王徒把長城築,禍去禍來因自招。

2008 60上簽
賢路晴明此日開,三千才子赴京臺;
人逢亨通知如意,金榜標名萬古傳。

2007 36中簽
問君曾見舊時無,一醉昏迷誰為扶;
正是今朝新樣出,無錢空手又來沽。

2006 75上簽
肆業求謀各有方,朝為田舍暮為皇;
田可耕時書可讀,自然利亨有名揚。

2005 13中簽
持齋受戒須精致,盛積爐煙荐聖賢;
香火滿堂皆顯應,何勞經卷往西天。

2004 76中簽
人情反覆似波濤,勿謂金蘭結義高;
上古守明不重利,囊空不見舊同袍。

2003 83下簽
掛帆順水上楊州,半途頗耐浪打頭;
實力撐持難寸進,划槳下帆舟難走。

2002 38中簽
人扳高處求真菜,我向低邊拾芥羌;
媚奧不如去媚灶,莫教步獵逞英豪。

2001 30上簽
魂逍魄爽氣為真,身似如來妙色身;
天眼恢恢臨坐下,不虧積善有功人。

2000 71中簽
龍吟溪外水自甘,虎笑崗中去復還;
境傑風雲能際會,地靈潮障兩相參。