密封車尾

九巴在 2012 年將會「全冷」，即是所有非空調巴士（熱狗）如無意外將會在今年退役，所以大家會發現好多人拎著部相機影熱狗，我都唔執輸，得閒影一、兩幅留念。早前就影了一張 11K 巴士，呢架係丹尼士巨龍 Dennis Dragon 11 米，巨龍都有好多款，所以有些款式會有花名，例如呢款龍就叫做密龍，因為車尾係密封，可以安裝冷氣系統，但最後都冇裝到，結果變了熱狗，直到除牌都冇轉回冷氣巴。

雖然熱狗愈來愈少，不過我朝早搭車好多時搭熱狗，仲要係密龍，因為我搭 5A ，同一班車通常係密龍。