一罐餐肉

每天乘搭巴士返公司，都會看看周圍的廣告，有些廣告真係誇張得緊要，例如近期就看到午餐肉的廣告，聲稱是「只應天上有」，還要是「頂級之選，別無他選」。老實講，梅林牌（現在叫梅林 B2 ）午餐肉我從小吃到現在，都係因為方便，便宜先會用來當餸食，以前一罐午餐肉、一碟菜就已經係一餐，依家食午餐肉都係因為貪方便而已。去茶餐廳，常餐唔係食餐蛋麵、腿蛋麵、腸蛋麵，就係餐腿、腿腸、腿腸餐肉麵啦，對於我呢啲食物要求不高的人，午餐肉就最好味，呵呵。