紅色炸彈

這是一篇兩年多前的文章，講關於「紅色炸彈」，對上一次收到的「紅色炸彈」，是來自一位舊同事，無端端 send 個 SMS 叫我 send 個地址俾佢，都知道乜事。我同自己講，我當收唔到個 SMS 算數，如果佢打電話俾我，我都會俾佢，結果翌日又真係打電話俾我攞地址，我認命，最後收到「紅色炸彈」兼去埋，因為佢起碼同我做過一年同事（之後都冇乜聯絡）。

前幾日，我又收到「紅色炸彈」了，今次真係冇得避，因為係當時人直接遞俾我，之前完全冇跡象佢會結婚，問都唔問我嚟唔嚟就派張「紅色炸彈」俾我，其實條氣真係唔係好順，原因唔係因為同佢唔多熟，而係佢明知我星期二埋稿，做到 11 點，即係明知我唔來都派俾我，即係想收我 $300 啦！不過咁，$300 唔多，我會照俾，唔使擔心。