實話實說

我記得曾經有一位朋友寸我：「乜你咁無聊㗎，連網上賣粒 CPU 你都寫？」我心諗，網誌（ Blog ）呢樣嘢就係隨心所欲，我鍾意寫咩嘢就寫咩嘢（好似依家我寫廣東話咁），唔鍾意你就唔好睇。雖然係乜都會寫，但係有樣嘢就一定唔會寫，就係大話，因為我覺得寫網誌就好似寫日記咁（當然網誌唔等於係日記，想知點解就睇右手邊條連結），記錄咗一啲日常嘅生活事件，當過多幾十年之後，我自己都未必一定會記得起幾十年前發生過乜嘢事，到時睇番啲網誌咪即係自己呃自己？我覺得有乜理由咁蠢呀，呵呵！