2005年10月24日星期一

每人五百

早前收到舊同學的「紅色炸彈」,老實說,同學結婚,俾 $500 有乜所謂?但係唔知點解,好多同學都係以聚舊為名,實際上係派帖俾小弟。講真,其實好多人都知我逢帖必收(除非我唔識啦),除非嗰日唔得閒,唔係一定出席,所以唔使用「聚舊」來做藉口,直接問我嚟唔嚟好過啦,我記得有一個舊同學,佢連帖都冇俾我,剩係問我嚟唔嚟,我都應承啦,唔使咁怕醜喎。之前睇到舊同事 Tuss 嘅 Blog 上面有一篇叫「分享的快樂」嘅文章,忽然諗起許冠傑嘅其中一首歌《鬼馬大家樂》,當中包括一段叫〈點解要擺酒〉,我諗,依家啲人擺酒唔使攪到搵人「度水」,反而買樓就真係投晒降,呵呵!

點解要擺酒 亂咁嘥錢冇理由
人人為飲一杯酒 累到夫妻一世憂
點解要擺酒 恨我整濕咗個頭
求人度水搵幫手 月尾薪金起勢扣
揸杯酒共渡患難 通枱走做阿茂
實係日後我與妳 做到獅子咁嘅口
點解要擺酒 望見張單報晒仇
難為自己一雙手 預算開支點會夠

11 則留言:

Teddy | 太迪 說...

星期日我都去飲黎
那個朋友都不是太熟
朋友的朋友
見過幾次
講真幾百蚊有乜所謂
飲得開心就得law.

Dicky Chan 說...

有人唔係地生你咁睇得化,係就冇咁煩啦,有人好怕炸彈,所以都係怕佢地唔來,呢d都係中國人特有的傳統。

我個人對炸彈睇法同你差唔多,亦如↑的人兄所講,最緊要happy。

Teddy | 太迪 說...

叫我Tedyy或倫倫都可以~

Teddy | 太迪 說...

Wood...
你覺唔範要字詞驗證好煩???

lamkiuwai 說...

冇計,呢個 blog 會收到好多廣告 comment ,唯一阻止的方法係加驗證碼,或指定會員登入,小弟選擇前者。

Teddy | 太迪 說...

唔怪得啦,
甘我都整左先啦~
thx thx

cutson 說...

始終這是喜事, 見到滿場開心,衣香濱(?)影, 又有洒水, 自己亦會被感染而快樂, $500, 是值得的, 亦是很好的中國人傳統。(在我而言!)

cutson 說...

酒水才對!

tusswu 說...

我應為,將來大家結婚,應該在帖上例明每人頭最少收一千,咁就可以一來看到中國人的傳統,也可以令不想來的人有一個下台階,這就最中國了。

匿名 說...

我會覺得擺酒的菜單一來沒新意二來亦不值五百元. 如果只作為賀禮, 五百元絕對值得付出.

又如果大家有機會將來結婚時用另外一些形式招待親朋, 我會很支持的.

Teddy | 太迪 說...

我會覺得擺酒的菜單一來沒新意二來亦不值五百元. 如果只作為賀禮, 五百元絕對值得付出.


好同意