《世外》短評：講千年約定

終於睇了《世外》，電影是我最唔鍾意嘅主題 ── 輪迴，一講輪迴就死唔斷戲，呢套亦不例外，假如簡單問我好唔好睇，我只會好直接講唔好睇，但撇開電影類型，《世外》是值得一看的電影。

故事主要分四段故事，包括「小妹」、「古蘭公主」、「姜山」、「童工小英」，四個不同年代的故事都與小鬼有關連。故事並非以全直線發展，在頭半段時間未必了解到當中的關係，當睇到大半，就會了解到故事是講二人之間的千年約定。

網上很多人說電影配音「出戲」，又說找演員配音效果較使用專業配音遜色，其實戲中的演員並不是配音，睇鬼哥訪問電影配音演員，都是對著 3D 模型、分鏡、未上色的畫面配音，與其說是配音，用「聲演」來形容反而較適合。有人說鍾雪瑩配小鬼咬字不清，但鍾雪瑩入行做商業電台，咬字清晰會有困難嗎？實情是，鍾雪瑩配小鬼有人物特定需要，好像戴著面具講說話，聽起來有點朦，但至少不需看字幕都知道小鬼說甚麼，反而小鬼大嗌時失去了原有的感覺，其中兩段戲「出戲」十分明顯，幸好在末段影響不大。反而最專業的配音演員張繼聰聽起來很「配音味」，與其他演員的分別較大。

在畫風上很日本向，但畫面設計比較似港產片，例如聚焦人面的鏡頭較有壓迫感，加上畫面帶點粗糙味，形成一種特別的風格。