賭與唔賭

有時小弟都唔係好明，點解政府係咁叫人唔好沉迷賭博？香港人一向都咁鍾意賭 ── 炒股票、炒樓，原理咪又係同賭博一樣，點解唔叫香港人唔好沉迷炒股票同炒樓？不過咁，政府叫人唔好沉迷賭博都算數，最攪笑係香港賽馬會響賽果表隔離貼咗張政府宣傳海報，叫人唔好沉迷賭博，有冇攪錯？賭錢為政府帶來龐大稅收，政府點解要倒自己米？成日話怕將來唔擴闊稅基香港會好唔掂，政府不如諗諗點減少支出同埋增加現有收入好過啦，呵呵。