講起公開試，好多人講起都怕怕，但考過會考同高考的我，當年反而冇乜感覺，中五會考，基本上冇乜點溫書，全靠天才波夠分原校升中六，中七考 A-Level，臨考試半年確實有操 Past Paper，主要係做 Pure Maths，因為自知自己數學成績一般，其他科目都沒有讀太多。現在香港將兩個公開試合二為一，所謂「一試定生死」。《公開試當真》就係講兩位主角用四個月時間追回進度，究竟各補習天王能否令他們爭取更佳成績？
電影以記錄片手法拍攝，記錄2023年應屆考生滕毅康與電影監製許賢用四個月時間追回三年課程，許賢當時想讀中大經濟系，但因為唔夠分所以選讀其他科目，今次以自修生重考可說是自我挑戰。未看電影之前，起初認為成績進步是最大看點，看完之後，發覺結果不太重要（至少對我來說），反而兩位在讀書過程，以及許賢與媽媽之間的對談，令人對以往考試前與家人的關係有不少共鳴。對白十分真實，看似平常的說話，在電影上變得有點搞笑，而我相信電影為一些曾經失落於公開試的人帶來一點啟發。
