搭屯馬綫

呢兩年來，我每個月都買九巴月票，所以絕大部分時間都係搭九巴。尋晚去咗牛潭尾做嘢做到晚上八點幾，本來諗住搭 76K 去 Yoho Town 轉車出九龍，但尋晚天氣凍，加上落雨，等等吓見到架新界的士，立即上咗車，用咗 $50 到元朗西鐵站，見時間已經去九點幾，諗諗吓直接搭屯門綫算數。

其實由元朗搭屯馬綫去土瓜灣都幾快，MTR 官網話 31 分鐘，如果計上車/落車計就真係 31 分鐘，好彩係我去到元朗站，等四分鐘就有車。不過 $20.8 車費就有啲貴，如果唔係咁夜咁凍兼落雨，真係唔會搭佢。