2016年4月7日星期四

廣州之行:廣州地鐵一日票

【上文提要】廣州之行:坐直通車



去到廣州,第一件事就係去天河城,最平最快嘅方法就梗係搭廣州地鐵啦,但去廣州之日係星期日,好多人搭地鐵之餘,仲要有唔少人購買單程票,排隊過程中,發現原來有「廣州地鐵一日票」及「廣州地鐵三日票」發售,售價分別為 ¥20 及 ¥50 ,只要在票務中心畀錢就可以買到,一日票仲要係計 24 小時,即係 10:30am 買,可以用到下一日的 10:29am ,聽落十分抵。



不過咁,一般搭廣州地鐵都是由兩蚊到五蚊人仔不等,就算由機場南搭到去佛山都係 11 蚊人仔,買一日票搭地鐵隨時用唔晒廿蚊。由於廣州東站實在太多人排隊買單程票,最終都係買張一日票搭車。不過,我發覺自己冇買錯,因為我全日搭了幾程車,計落冇 ¥20 都有 ¥18 ,最重要係成日都唔駛排隊買單程票,慳咗極多時間,尤其是夜晚嗰兩程車,見到排隊條龍,我估計最少都排半個鐘,諗起都一額汗!

下一篇:廣州之行:天河城

沒有留言: