2016年4月4日星期一

廣州之行:坐直通車

【上文】廣州之行:有乜準備?


▲ 九廣通特等位有餅乾同水一杯,全部香港製造。

至於講到上廣州,就有好多方法,如果住新界,最快同最平的方法就梗係搭車上深圳,再搭車,例如响羅湖過關行幾分鐘去深圳站搭城際列車去廣州東站或廣州站(舊站),由香港去羅湖貴極都係 $48.3(假設搭港鐵由柴灣去羅湖),深圳站去廣州東/廣州最平 ¥79.5 人仔,搭頭等都係 ¥99.5,唔想有人企响你隔離,就最好揀頭等啦。


▲ 韶山 8 型電力機車


▲ 九廣通採用瑞士 Lok 2000 型電力機車以一首一尾推動。

但如果唔介意貴少少或者住市區,就可以選擇坐直通車,紅磡上車,廣州東站落車,用兩地兩檢,車程約兩個鐘,同一出發地點比較,返大陸搭城際會慢少少,但主要係東鐵綫車程都要 40 分鐘,而且分兩程車,等車都用咗唔少時間。另外,直通車有分香港車「九廣通」同大陸「韶山 8 型」準高速列車,兩架都係行電,大陸車係全部 $210 一等位,而車廂分兩層嘅「九廣通」就有 $250 特等位,送一杯水同一塊餅,個位大少少(一行三個位),第一次坐或者冇位都可以試試。




▲ 九廣通車廂採用日本近畿車輛雙層客車。

下一篇:廣州之行:廣州地鐵一日票

沒有留言: