2013年9月27日星期五

口裡說不



最近推出的新手機,相信離不開 iPhone 5s 與 iPhone 5c 。不過,我暫時沒有想過用 iPhone ,原因是屏幕太細,兼且有時想在手機觀看不同格式的影片,在 iPhone 上要轉換為 iTunes 兼容格式。在 Android 平台上,安裝 BSPlayer ,將影片直接抄入 Android 手機便可。 iPhone 5s/5c 剛剛宣佈的時候,很多人都對新 iPhone 失望, Apple 股價更即時下跌。不過,正所謂口裡說不,但心裡卻很誠實, iPhone 5s/5c 的首週末銷量已經有 900 萬部,比 iPhone 5 首周銷量賣得更多, iPhone 始終很大的吸引力,至於其他對手,新機推出的反應始終沒有這麼熱烈,好似 Samsung 早前發表 Galaxy Note3 + Gear , Sony 推出 Xperia Z1 ,市場上都好似沒有很大反應。小弟所使用的「親生仔」 Galaxy Nexus 差不多已經用了兩年,期間都試用了很多新手機,但感覺上 Samsung 與 Sony 手機都有一個共通問題,就是安裝很多本人用不著的功能,這亦是阻礙本人換新手機的理由之一。

2013年9月13日星期五

網上廣告



近年,很多節目都放上 YouTube 與 Livestream 做直播,甚至是早前的 Google I/O 2013 、LG 推出 G2 、 Samsung 發表 Galaxy Note 3 等等,都是使用 YouTube 直播,只要校好時間,開啟網址,便可即時收看,而且 YouTube 直播有 Time Shift 功能,假如 11 點開始直播, 12 點結束,只要開啟 YouTube 網址,就可以隨時看回 11 點開始的節目,十分方便。相信是由於愈來愈多人欣賞網上直播節目,以往 YouTube 的廣告只會在已儲存的節目中出現,現在開啟 YouTube 直播,有時會率先播放廣告。近期的廣告類型與電視上播放的相若,有些廣告更鮮有在中文頻道上觀看得到,例如早前就在 YouTube 上留意到 Braun CoolTec 電鬚刨的廣告,本人一向很喜歡研究新電鬚刨的技術,在 YouTube 上看到電鬚刨的廣告有點意想不到,不知會否因為使用的 Chrome 瀏覽器已登入 Google 帳戶,而了解到本人的個人喜好?

廣告網址:Braun全球首款°CoolTec冰感科技電鬚刨

2013年9月9日星期一

光陰似箭


▲ 在2012年7月7日早上於順緻苑開街站,支持者送上三支寶礦力水特。

時間真係過得快,話說上年呢個時間,係黃洋達敗選立法會九龍東的日子,記得上年呢段時間,小弟幫佢助選,我一直都唔係佢嘅 fans ,亦冇睇過佢嘅著作,只係睇〈皇上有話兒〉同埋〈早朝天下〉認識佢,後來再聽佢另一個網台節目〈笑死朕〉,機緣巧合之下參與第一次網聚,認識 Darling ,之後就加入「熱血公民」,第一次幫手係 3 月 1 日,在觀塘地鐵站派「反貪曾」傳單。我點解會幫佢助選?因為我相信,當佢選咗入立法會之後,肯定會有更多年輕一代留意時事。黃洋達的說話雖然未必完全有道理,但至少容易入腦,一聽就明。政治呢樣嘢,本來可以好簡單,但要講到令人明白就不容易。我撐佢,除咗因為撐人力,就係希望更多人了解香港身邊所發生的事。

有人會問,作為一個人力支持者,曾經幫佢助選有冇後悔過?我好肯定答:「唔會」,正如黃毓民同人力反面,我到現在仍然認為在立法會上不能缺少黃毓民,只是不認同他離開人力的理由而已。至於黃洋達,我從不覺得他會加入「人力」,敗選第二天話自己不支持人力,但我不介意,只介意他向人網開戰,搞到人網執笠,搞到我冇得睇 Loved.hk 的〈美人計〉;其次就是他的「鳩做論」,這是我不再支持他,正式退出「熱血公民」的另一個主要理由。

小弟認為,是否「鳩做」,要做過至知,未做過就話「鳩做」即係「鳩噏」,「未有實質成果之前,我們千萬不要放棄夢想」嘛,你預見人「鳩做」,點解唔去阻止,又或者夾實佢?呢啲道理都唔識?點同人哋做長期抗爭?

後話:我話我唔介意黃洋達話從不支持人力,係因為我一早已經知道,基本上佢講唔講,都對我心情影響不大,只不過佢講咗呢句說話之後,搞到我好煩。另外,劉嗡响我篇文的回應中,提及到「『從來不支持人民力量』,在政治上可說是天誅地滅、天地不容的說法。」小弟十分認同,基本上佢以後都唔駛去選舉了。

2013年9月7日星期六

換新表帶



換咗三年,條表帶又就來斷。對我來說,表都係用來睇時間,表帶唔係太重要,所以都係去咗中環「妹記」用 30 蚊換了表帶,仲換埋生鏽的表耳(表帶與表芯的彈弓柱),生鏽的表耳只係其中一條,另一條冇事。點解收 $30 咁平?因為原裝條表耳係超粗,好難搵,我諗老闆當以物換物換咗佢。