2010年5月19日星期三

政治廣告



星期二晚看到一個廣告,內容是這樣的:有兩個女仔看到一條裙,有個女仔講:「畢業 Party 可以著到呢條裙就好喇!」跟著另一個女仔就返屋企就參考其他雜誌,設計了一條Tube Top 晚裝,問身為裁縫的媽媽:「你估做唔做到呢?」雖然媽媽好忙,條裙好耐都未整,但到了畢業 Party 當天,媽媽終於做好條吊帶裙了。阿女抱著媽媽講:「好靚呀!」媽媽就同阿女講:「試吓啱唔啱身?」廣告的末段,出了兩句說話,第一句:「信任 讓夢想成真」,第二句:「請支持 2012 政制方案」。

我想講的,是政府說了一個現實情況畀你聽 ── 有香港市民希望政制向前走,希望取消功能組別,盡快實現真普選,跟著同政府反映。政府到最後拋了一個方案,不單沒有取消功能組別的意圖,還在直選與功能組別分別增加5席,政府仲同你講:「如果你唔支持我,政制就原地踏步喇!」默不作聲的蟻民,唯有默默支持這個所謂有進步的政制方案。筆者最後想說:「信你一成,雙目失明」。

3 則留言:

XexeX 說...

而家阿媽整左件我唔中意o既衫我,仲要迫我著!

Frostig 說...

XexeX: Exactly!!!

Tommy 說...

根本成個故仔概念就表返唔到兩人有溝通!更莫說充分的溝通!
你比,唔等於我就一定要要左佢,你既然無講,但最後臨時比樣野我,根本就要我「硬食」。
之前我同你講時,你無反應,咁我唔可以自己有準備嗎?又或真係準備唔到,連個 BALL 都一早推左啦,咁你整條裙出黎,根本無意義。根本就係最差廣告~~~