2008年6月21日星期六

好唔開心

話說成個編輯部,得我一個人返星期六,因為我係唯一一個要寫超過 20 頁稿的「編輯」,我呢個「編輯」名字,絕對唔係講笑,寫稿之餘,仲要睇稿,所以我遲交稿,除咗美術會鬧之外,冇人敢鬧我。今期係最後一期要睇稿,亦都係最唔開心的一個星期,因為:
  1. 篇 Cover Story 唔夠字之餘(其實呢個記者一向都寫唔夠字,差不多我次次都幫佢加多一版字),仲要得 5 張相!一個 11 頁的故仔,竟然得 5 張相?又即係要我補字補相啦。
  2. 篇產品測試,影都未見,找外稿,真係唔合時,因為其他書都有人走,外稿都唔夠用。
  3. 下期封面故事臨時改題目,仲要做一個好難的題目,理論上星期四要完成。
  4. 同期還有一個產品比較,雖然測試完成,但一隻字都未寫過。
  5. 今期多半手( 8 頁)紙,又要追稿。
  6. 每期的固定欄目還未完成。
本來返來放低個相機袋想做少少嘢,但諗起以上的麻煩事,我決定寫完呢篇文之後,立刻走人,約人行街,「腦輕鬆」!

4 則留言:

Sue 說...

能者多勞?

匿名 說...

我都係咁想
"能者多勞"
鬼叫你勁咩...

匿名 說...

好似 "打風流工" 的美好光景已經不再......

~沙拉

匿名 說...

老木的層次又提升一級了.