2008年4月22日星期二

免費報紙


自從搬到中環之後,小弟會有一個習慣,就是吃兩份早餐,不吃午餐,因為中午時間,中環實在太多人,不想為食一餐飯做「難民」,所以八點幾食一餐,搭巴士再搭船,在中環「老麥」食第二餐。如果清閒一點,會在中環天星碼頭拎一份免費報紙看看。其實一般免費報紙都會很早派發完畢,唯獨是《頭條日報》與《英文虎報》派發時間較長, 9:30am 也取得到《頭條日報》,《英文虎報》更厲害,有時派到 10:00am 也派不完。今天的《頭條日報》,其中一個專欄是「虎報日派 22 萬份領先對手」。小弟心想,如果用派發量領先對手,即係用銀彈政策逼走對手,而非用內容得到讀者認同,派 22 萬份,只能得到廣告商垂青,做這些公司又有甚麼意思?

2 則留言:

肥B 說...

香港英文報紙已經少, 虎報係有錢都無得買, 唔晒錢or平唔等於唔係好o既

Wilbert 說...

呵,根本虎報行到呢步,就係因為佢唔諗住'爭取讀者認同',擺到明廣告主導,'立'到多D讀者,就用黎同廣告商bargain.

意思:就係讀者養唔起佢地,唯有轉投廣告商.無奈個香港甚至世界都係咁,想讀者俾錢買內容睇愈來愈難.你同我未必樂意見到咁,但個傳媒大趨勢係咁都冇法.