2006年4月14日星期五

無謂憂慮

最近工作上出現很大變化,要負責一個我完全不熟悉的欄目,最麻煩是需要約一間公司,再由呢一間公司約第二間公司做一個訪問。我的同事三番四次說很容易做,我心諗:「如果以他的做法,做一些方案的比較,我一早做咗幾個啦,使鬼約訪問咁煩咩?」不過,我經常叫自己無需對這件事憂慮,因為憂慮是不能改變過去,亦不能對未來有任何幫助。做唔掂,最多咪辭職唔做囉,我都唔係未試過,而且我真係好想認真地完成現時的證書課程。老實講,讀咗咁耐書,都未試過咁認真上堂,希望下年攞到最高分之後有機會攞獎學金啦,三千蚊真係唔係講笑。

6 則留言:

gensan 說...

又唔好講到無憂無慮咁型咁,做人有一定的危機感係好事囉。但腦記呢行又真係無乜野好憂慮,正所謂船到橋頭自然直,當真係要截稿要出片,真係乜野垃圾稿都出到街。

lamkiuwai 說...

只係想抒發一下心情而已,老實講,近來好多測驗的確令小弟比較辛苦,小弟都諗唔到點解讀一個 cert 都可以用咁多時間,尤其是嗰一科 Electrical Machine ,堂堂上完都唔知個阿 sir 講乜,唔借書番來睇真係死得。至於工作方面,其實我又唔太擔心,只係希望做一 d 原本要做的效果,唔想用番我以前嗰套,故步自封,做咗都冇意思啦。

匿名 說...

改革都係痛苦的了。

無計啦,呢d野唯有慢慢習慣。

始終做呢行個市變得太快,成日都要 Update 自己。

加油!

史提芬 說...
網誌管理員已經移除這則留言。
匿名 說...

如果你可以好好安排啲時間嘅話,三千蚊我津貼你又如何~

史提芬 說...

神人史提芬 提到...
正所謂船到橋頭自然直,當真係要截稿要出片,真係乜野垃圾稿都出到街。 from gensan

以我的角度來說,呢句話我真係唔敢講,因為程序錯左係會「死人」的。希望同事明白時間有限,可以早交稿時早交稿,唔好影響後勤的同事啦....(我都係抒發一下心情而已)