2006年1月22日星期日

軼事一則

做咗呢行咁耐,有樣嘢我都會盡量堅持,就係準時到記者會,講真,人地遲到關我叉事,總之自己唔遲到就得,但最近去某啲記者會,我都開始遲到,事關有啲記者會寫明 2:30pm 開始,但咁多個行家都知佢 2:30pm 都分分鐘未預備好,通常都要 3:00pm 至開波。我記得以前呢間公司都唔係咁,可能自從呢間公司的靚女 PR 「癲佬」離開咗之後,主要工作就由佢阿姐負責,講真,嗰位阿姐嘅下屬似乎冇乜用,次次出新聞稿都冇佢個名,我好懷疑篇新聞稿都係由阿姐負責。另外,我仲睇到一個現象,就係呢間公司嘅外藉阿「頭」,無論大小記者會都會出現,我心諗,乜佢好得閒咩?次次記者會都來,唔通啲下屬要你住先肯做嘢?咪玩啦!一間大公司,個老細死左都識 Auto Run ,何況係一個阿「頭」?我公司個老細長期唔喺公司,本書咪一樣期期出街!最近嗰次記者會,佢仲拎住份 Catalog 睇,跟住我問一位嗰間公司嘅肥妹(佢臨尾會瘦番,唔使擔心)下屬:「乜你外藉老細識睇中文咩?」佢話,原來佢識睇小小中文,原來,我有眼不識泰山!

(以上有很多香港字,請在最新的作業系統下欣賞)

7 則留言:

史提芬 說...

我都去過不少記者會,
好多記者會都係例遲。
有次離譜到,遲成個鐘﹔
有次都唔差,開始個記者會成個半鐘,
都仲未入正題。
強迫集體浪費時間,
不如早點搞完,大家開心啦~~

gensan 說...

唔好怪呢位下屬啦,人地公司咁多瓣產品,呢個話借 Notebook,果個話借 DC/DV,第個又話借 LCD TV...... 顧咁多瓣又真係幾辛苦!出阿姐個名可能只係公司政策問題,大家借野時又有幾可真係搵呢位阿姐丫!(當然閣下同呢位阿姐好熟就大家都知啦!)

gensan 說...

致神人:
有時記者會遲開始,可能只是為了等埋某些遲到的記者而已,沒有其他特別的原因。

- 太 迪 倫 倫 - 說...

你係唔係講更...四個英文字母個間?

不仔 說...

佢愈遲開...D人下次就愈遲到....惡性循環姐.....

to 水怪:
食左某AF先驅相機部果間!?

Wilbert 說...

唉,公關開記者會,好多時要交(人)數架,儲夠quota,有得同個client交待你估D公關真係會咁friend等埋你咩?尤其有時D公司一齊開記者會,幾間公司一齊搶人,焗等咋。阿木應該知。

dino 說...

多謝地通拿兄點名讚小妹靚女喎, 想食d咩唧, 隨便叫, 我請!!!

無論記者定係公關, 雙方既時間都好寶貴, 產品多又或者要交人亦唔應該係遲開既借口. 大概係每個人既處事手法唔同掛.

不過您都唔好咁介懷啦, 大家都係打工唧, 總有方法4466柝掂佢既 :>