2005年11月27日星期日

更換新證


最近更換了智能身份證,小弟因此申請使用身份證借書,但申請之後,原來圖書館會給予一個新的圖書證號碼,小弟使用網上預約時可使用該號碼查閱。不過,小弟覺得最得意的地方,是十年前申請的兩張前市政局借書證仍然有效。另外,小弟還發現,在十多年前申請的紙製借書證(不知大家是否有用過),使用鋼筆寫的字,沒有退色之餘,更沒有像原子筆的字那樣「化開」,所以小弟十幾年前開始使用鋼筆寫字是正確的!

12 則留言:

匿名 說...

紙製借書證我有少少記憶,係吾係有三張卡,借書時會抽起張卡,還書時才交回給你。

市政局圖書證我用到現在,但我只有粉紅色那張,在上貼有藍色label,在新界及市區都可以用。

有一段時間我在Sai Kung圖書館"打滾",和職員熟悉,問過用身份證借書好吾好,職員陰陰嘴笑,叫我吾好。不過佢無解釋點解。

lamkiuwai 說...

可能係因為見到身份證個樣?我又冇乜所謂喎。

Teddy | 太迪 說...

我都有個三個套呀~~
WA HA HA ~~~~

lamkiuwai 說...

呢三個套係用來插著書裡面張紙,讓圖書館職員知道你借左邊本書走。

dino 說...

近掛換身分證? 咁咪知你幾多歲囉, hoho

Teddy | 太迪 說...

好多人都知木兄幾多歲啦 ~~~

gensan 說...

係咪申請使用身份證借書後,原有果張(綠色/紅色證)就會失效呢?如果係就好呀,我幾年前借左自己張綠色證俾人,點知耐唔耐就收到罰錢收據,咁多年黎都駛左我幾百蚊啦,到而家張證都仲唔響我度,搞到我呢幾年都無去圖書館借書....

lamkiuwai 說...

To Gensan:
用身份證借書,舊的圖書證不會失效,亦不會回收,所以我現在有三個圖書證號碼。你唔見左張圖書證,可以報失,佢借書可以立刻拉佢。

gensan 說...

大佬咪玩啦,我女朋友黎架......

Dicky Chan 說...

你們二人的對答真妙

匿名 說...

你老喇, 咁快換智能身份證, 哈哈

Unforgettable / 茵 說...

很懷念三個套的借書證,圖書裏的借書卡和借書紀錄都很有人情味。從date chop可猜到之前有無人連氣續借兩次,本書多唔多人借。

我又想起電影《情書》裏畫中山美穗個樣落借書卡度果一幕……